Hiral's Blog

May 8, 2018

વિરાજ, નર્સરી અને નવું રુટીન

Filed under: બાળ ઉછેર,બાળ બુધ્ધિ — hirals @ 10:14 am

થોડાક જ દિવસોમાં કેટલો બદલાઇ ગયો?

વિરાજ માટે ફેબ્રુઆરીમાં ત્રણ દિવસ માટે અમુક કલાકની નર્સરી જોઇન કરી. ઉંઃ૨ વરસ. ભારે નટખટિયો, લાગણીશીલ અને માવડિયો.

મારા વગર કોઇની પાસે રહે જ નહિં. મિલન પાસે પણ નહિં. મારી સાથે જ સૂવાની જીદ જન્મ્યો એ રાતથી જ.

નર્સ વારે વારે એને એના પારણામાં મૂકવા કહે, પણ જેવો હું એને મારાથી દૂર કરું કે નોન-સ્ટોપ રડે.

ને જેવો મારા પડખામાં આવે કે ચૂપ ને મને વ્હાલ આવે એવા હાવભાવ બનાવે. જાણે મારો આભાર માનતો હોય કે હું એને સમજી શકું છું એમ ખુશ થતો હોય.

આ જ નિત્યક્રમ બે વરસ સતત. રાતે બાથરુમ જવા પણ ઉઠું તો પણ ભરઉંઘમાંથી ઉઠીને રડે. કેટલીવાર રાતે ઉઠીને વાંચવાનો મારો પ્રોગ્રામ એના રડવા સાથે ઠપ થઇ જાય.

મિલન ગમે તેટલું શાંત રાખે, ગયા વરસે એના બા-દાદા રમાડી રમાડીને ગમે તેટલું રમાડે પણ મને જોતાં જ હરખાય ને હું ના આવું ત્યાં સુધી રડે.

બહુ કાઠું મન કરીને એને બે વરસનો થયો ત્યારે થોડા કલાકો એની ઉંમરના બાળકો સાથે રમી શકે અને મને પણ મારા માટે સમય મળે વિચારીને નર્સરીમાં મૂક્યો.

નસીબના જોરે અને સતત વરસથી જે ફોકસ રાખીને જ્યારે જેટલો સમય મળે ‘ડેટા સાયન્સ’ ભણવાનું શરુ કર્યું એ ધગશ અને ખંત કામે લાગ્યા.

શરુઆતમાં વિરાજ અઠવાડિયા-પંદર દિવસમાં  સેટ થઇ ગયેલો કારણકે ત્યાં એક ટોડલર ગ્રુપ, બેબી ગ્રુપ ચાલે છે ત્યાં એ છ મહિનાનો હતો ત્યારથી લઇ જતી. એક ઉંમરલાયક કાકા (જોનાથન) સાથે એ ત્યાં રમતો.

એ વડીલ નર્સરીમાં પણ ગિટાર વગાડવા આવે. એમને બસ બાળકો બહુ ગમે.

વિરાજ એમને જોઇને એવો તો ખુશ થઇ ગયેલો અને સરળતાથી નવા માહોલમાં સેટ થઇ ગયો. જો કે શરુઆતમાં બંનેના લેવા-મૂકવાના સમય સેટ કરવામાં મિલને ઘણો સાથ આપ્યો,

જિનાને તો મિલન ઓફિસે નીકળતા મૂકતો જાય પણ જિનાને લેવા જતી વખતે વિરાજ સૂઇ ગયો હોય ત્યારે મારે કોઇની ને કોઇની મદદ લેવી પડતી.

હવે તો વિરાજ દિવસે ભાગ્યે જ સૂવે છે. સવારે વહેલો ઉઠે ને રાતે વહેલો સૂઇ જાય. હવે રાતે પણ ભાગ્યે જ ઉઠે છે. એટલે મારો ભણવાનો સમય રાતે ૩ થી સવારના ૬.

પણ દોઢ – બે મહિના પછી જરાક નાની વાતે આપણે એના મનથી વિરુધ્ધનું કર્યું કે કલાક તો સહેજે દેકારો કરે. અને આખા દિવસમાં આવું ઘણીવાર બને.

જો કે જિના સાથે આ અનુભવ હોવાથી ખબર કે આ ઉંમરનો પડાવ છે એને બધું જાતે કરવું હોય એ વાતનો બહુ ખ્યાલ કરું. થોડા દિવસોમાં એ પણ ઘણું જાતે કરતો થઇ ગયો.

એને વધારે સમય લાગશે એ ગણતરી રાખવી પડે એટલું જ. બાકી બહુ ડાહ્યો. મમ્મી પાસેમાં હોવી જોઇએ. બાકી બધું જાતે કરે. એવું તો વ્હાલ આવે. ક્યારેક સમયની તાણ વરતાય

પણ એની સાથે હાજર હોવાની એક ઓર મજા. જિના કેવી ઝડપથી મોટી થઇ ગઇ એટલે વિરાજને તો જાણે મન ભરીને જોઇ લઉં એવું મનમાં ઘણીવાર લાગણીનું વમણ ઉમટે.

—-

મિલન બહારગામ ગયો ત્યારે મને એણે બહુ લેવડાવી. બહુ જ રડે, કદાચ એના પપ્પાને મીસ કરતો હોય. નર્સરી નહિં જવા જીદ કરે. માંડ બે કલાક મૂકી ને ડ્રાઇવીંગ શીખું ને

તોય મારો જીવ બળે.

ગુગલ કર્યું કે આવા સંજોગોમાં બેબીને સાથે રાખી શકાય? જવાબ ‘હા’ મળ્યો ને જાણે બધા પ્રોબલેમ્સ સોલ્વ. ડ્રાઇવીંગ ઇન્સ્ટ્રકટરને પૂછ્યું એણે પણ હા પાડી માત્ર યુ.કે સ્ટાન્ડર્ડની બેબી સીટ હોવી જોઇએ.

એ તો હતી જ. ગયા બુધવારે હું એને જોડે લઇને ગઇ એ તો મજેથી તૈયાર થઇને પાછળની સીટ પર બેઠો. હાંશ,

પહેલા આ કેમ ના સૂઝ્યું?.

હવે કાલે પણ એને સાથે લઇને જ જઇશ. નર્સરી પણ હવે તો દોડીને રાજી રાજી થઇને જાય છે. લેવા જઉં ત્યારે પણ હજુ વધારે રમવું હોય.

ઉનાળામાં દિવસ પણ ઉઘડ્યો છે એટલે બહાર છૂટથી મન ભરીને પાણી, માટી, બાઇ, હિંચકા-લપસણી બધું રમે, હું લેવા જઉં ત્યારે બધું રાજી રાજી થઇને બતાવે.

જોનાથન (ગિટાર વગાડે છે તે કાકા) ની વાતો હાથથી અને તૂટક તૂટક કરે. હાંશ, એ ખુશ એટલે હું પણ ખુશ.

જો કે લેવા-મૂકવા મારે જ જવું એવો એનો આગ્રહ. એના પપ્પા મૂકવા જાય તો બહુ જ રડે છે.

મારું ભણવાનું પુરજોશમાં ચાલે છે. ઘણુંખરું શરુઆતમાં વર્ક ફ્રોમ હોમ હશે એટલે બહુ જ એક્સાઇટમેન્ટ છે કે હવે જલ્દીથી હું ફરીથી આઇ.ટી ફિલ્ડમાં કામ કરીશ.

પણ શરુઆતમાં પાર્ટ ટાઇમ કરીશ એવું ઇન્ટરનશીપ પતે એટલે કહીશ એવું વિચારું છું.

વિરાજને નર્સરીમાં સેટ કરવામાં જિનાનો ફાળો ઘણો મોટો. જન્મ્યો ત્યારથી એને લેવા મૂકવા સમયસર વિરાજ મારી સાથે હોય એટલે વિરાજને ઝડપથી તૈયાર કરવો ખુબ જ સરળ.

જે દિવસે નર્સરી હોય, જિના એને બધું પૂછે. આજે રડેલો? કોની સાથે રમેલો? બધા સાથે રમવાનું.

વિરાજ હજુ જોઇએ તેટલું બોલી શકતો નથી. પણ જિના સાથે બધી વાતો કરી લે અને ખુશ થઇને બધા જવાબો આપે.

—-

ખાસિયતઃ

નર્સરીમાં એની સાથે ક્યારેક થોમસ ટ્રેન લઇ જાય, ક્યારે ગાય, બકરી કે બસ સાથે રાખે.

પણ પાછા વળતી વખતે યાદથી એનું રમકડું અચૂક લે. મને ખ્યાલ ના હોય તો કહે, બસ? બા બા? મૂઉઉઉઉ…, છૂક છૂક?

Advertisements

Leave a Comment »

No comments yet.

RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

Create a free website or blog at WordPress.com.

%d bloggers like this: