Hiral's Blog

January 22, 2016

સિંહનું ઘર ‘ગુફા’ કેમ?.

 

બપોરનો સમય હતો. સરગમ સિંહ ખૂબ થાકેલો હતો.

એ અહિં તહિં આંટા મારી રહ્યો હતો.

એને થોડોક વિરામ કરવો હતો.

એક ઝાડ નીચે એને ટાઢક લાગી પણ જોયું તો

આ શું? (ઝાડ પાછળ ચિત્ર)

ઝાડ ઉપર વાંદરાની ટોળકી હતી. એમની હૂપાહૂમમાં તો આરામ થઇ રહ્યો.

સરગમ સિંહ હવે એક ઝાડી પાસે ગયો અને એને થયું હાંશ અહિં સૂઇ શકાશે.

પણ આ શું? (ઝાડી પાછળ ચિત્ર)

ઝાડી પાછળ તો પહેલેથી જ વિરલ વાઘ એનાં બાળકો સાથે રમતો હતો.

ચાલતાં ચાલતાં સરગમ સિંહની નજર એક ભેખડ પર પડી. એને થયું હવે આ ભેખડ પાછળ આરામથી સૂઇ શકાશે.

પણ આ શું? (ભેખડ પાછળ ચિત્ર)

ભેખડ પાછળ તો દેવેન દિપડો પહેલેથી જ સૂતો હતો.

વધુ આગળ ચાલતાં સરગમ સિંહની નજર એક ખાડા પર પડી. એને થયું હવે ખાડો તો મારો જ.

પણ આ શું? (ખાડા પાછળ ચિત્ર)

નજીક જઇને જોયું તો ખાડામાં તો સાંપનો કુંભમેળો જામેલો.

વધુ આગળ ચાલતાં સરગમ સિંહ એક તળાવ પાસે આરામ કરવાનું વિચારતો જ હતો.

પણ આ શું? (તળાવ પાછળ ચિત્ર)

તળાવમાં તો પહેલેથી જ ગગન ગેંડાનું કુટુંબ પાણીમાં આરામ ફરમાવતું જોયું.

હવે સિંહ ખરેખર થાકેલો પણ હારે તો એ સિંહ શાનો?

ચાલતાં ચાલતાં એને ઝરણાંનો ખળખળ અવાજ સંભળાયો. અવાજની દિશામાં એ આગળ ગયો

પણ આ શું? (ઝરણાં પાછળ ચિત્ર)

જગત જિરાફ ત્યાં પહેલેથી જ નાહી રહેલો.

સરગમ સિંહ હિંમત કરીને ચાલતો થયો. એક સરોવર જોઇને સિંહને ટાઢક વળી. પાણી પીને સરોવર કિનારે આરામ કરવાનો વિચાર કરતો જ હતો.

પણ આ શું? (સરોવર પાછળ ચિત્ર)

હરિષ હાથી અને હંસા હાથણી પહેલેથી જ એનાં ત્રણ મદનિયા સાથે સરોવરમાં રમતા હતાં.

કોઇ બીજું તો થાકીને હવે ઢળી જ પડે પણ આ તો સરગમ સિંહ.

એને આરામ કરવો હતો અને તે પણ એવી જગ્યાએ જ્યાં કોઇ ખલેલ ન પડે.

આખરે એને એવી જગ્યા મળી જ ગઇ. અને ત્યારથી એ જ સિંહનું ઘર.

બીજા પાને ચિત્ર

ગુફા માં ઉંઘી રહેલો સિંહ.

—-

 

જિનાનાં ‘કેમ’ ના જવાબો શોધતાં મારા મનોમંદિરમાંથી વાર્તા બની જતી/બન્યા કરે છે.

યાદ આવશે તેમ હવે એકત્ર કરતી જઇશ.

તમને આ નમૂનો ગમશે. જેને યોગ્ય ચિત્રકાર વધુ બખૂબીથી નિખાર આપી શકશે. જો આપની જાણમાં કોઇ ચિત્રકાર હોય તો જાણ કરશો.

બોધકથાઓ તો ઘણી જડે છે પણ….

૨ થી ૪ વરસના બાળકની કુતુહલવૃત્તિ થોડાંક વાક્યો અને વધુ ચિત્રોથી વધુ નિખાર પામશે એવું મને અનુભવે લાગે છે.

એટલે જ એની સાથે બાળક બનવાની યાદો એકત્ર કરવાને મન લલચાય છે.

આવાં તો ઘણાં ‘કેમ’ નાં જવાબો આપવા અઘરાં છે પણ થોડામાં ઘણું કહેવું હોય તો વાર્તાથી વધુ બીજું કશું જડે કે?

હવે આ એક જ વાર્તામાં બીજાં ઘણાં ‘કેમ’ નાં જવાબો જાણવાને મને લલચાય. છે ને મજાનું બચપણ?

 

 

Leave a Comment »

No comments yet.

RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

%d bloggers like this: